च्याउखेतीबाट वार्षिक पाँच लाखसम्म बचत

0
214

बर्दिवास, १४ माघ-काममा लगन र समर्पण भएपछि कमाउन विदेश जानु पर्दैन भन्ने उदाहरण बनेको छ महोत्तरीको बर्दिवास नगरपालिका–२ हङकङ डाँडाका दीपक भुजेल । बाली नसप्रिने गेगयान जग्गामा ४५ वर्षीय भुजेलले १० टनेलमा च्याउखेती गर्दै आएको छ ।दुई वर्ष अघिसम्म भुजेललाई घरखर्च कसरी चलाउने भन्ने चिन्ता हुन्थ्यो । घरखर्चका लागि उनी अब आफ्नो व्यवसायप्रति ढुक्क छन्।

च्याउखेतीका कारण अहिले उनले नाम र दाम पाएको छ । “च्याउखेती गरेदेखि कुनै कुराको अभाव खट्केको छैन,” भुजेल भन्छन्। दुई वर्षअघि कामको खोजीमा काठमाडौँ पुगेका भुजेलले ललितपुरको गोदावरी–१४ ठैबमा च्याउखेती गरेको देखेपछि यस व्यवसाय हात हालेको हो ।

“छोराछोरीको पढाइ खर्च यसैबाट धानेको छु, घरको खर्च राम्रैसँग चलेको छ,” उनले भने, “वार्षिक पाँच लाखसम्म बचत हुन्छ ।” दश टनेलमा राखिएका तीन हजार २१२ पोकामा अहिले दैनिक ७०० किलो च्याउ उत्पादन हुने गरेको छ ।

भुसको पोका राखेर कैयौँ पटक उत्पादन लिन सकिने भुजेल बताउँछन्। उनले टिसुकल्चर, ठोडिटा, ८३५, ५३ सहितका जातको च्याउखेती गर्दै आको छ । च्याउ खरिद गर्न व्यापारी घरमै आउने गरेका छन् । प्रतिकिलो १५० मा च्याउ बिक्री गर्दै आएको भुजेलले बताए। पराल, पानी राख्ने ड्रम, पराल काट्ने औजार र परालको भुसलाई पोको पारी च्याउखेती गर्न सकिन्छ ।

LEAVE A REPLY

Please enter your comment!
Please enter your name here