सारा अली खानले भनिन् ‘करिना कपूर मेरी आमा होइनन्’

0
341

मुम्बइ। बलिउडमा भर्खरै डेब्यू गरेकी सैफ अली खानकी छोरी सारा अली खानले सौतेी आमा करिना कपुरबारे निकै कडा बयान दिएकी छिन् । उनले करिना आफ्नी आमा नभएको बताइन् । साराले भनिन् उनी मेरा पिताकी पत्नी मात्र हुन् मेरी आमा होइनन् ।’ सारा सैफकी पूर्वपत्नी अमृताकी छोरी हुन् । साराले यी कुरा एक अन्तरवार्तामा भनेकी थिइन् । यो अन्तरवार्ता अहिले सामाजिक संजालमा निकै भाइरल भइरहेको छ ।

फिल्मफेयरलाई दिएको साराको यो अन्तरवार्तामा उनी निकै आत्मविश्वासी देखिएकी छिन् । साराले आफूले करिनाको वार्डरोबबाट सबै चीज लिन चाहेको बताइन् । साराले आफूलाई करिनाको कलेक्सन निकै मन पर्ने बताउँदै विशेष गरी करिनाका जुत्ता निकै मन पर्ने बताइन् । आफूले पाएमा करिनाका भएजति सबै जुत्ता लिने साराको भनाइ थियो ।

साराले आफू करिनाको निकै ठूलो फ्यान भएको बताइन् । उले भनिन् ‘मानिसहरु भन्छन् तिमीले करिनालाई मनदेखि माग्यौ त्यसैले उनी मेरी सौतेनी आमा बनिन् ।’ साराले आफू र करिना रामे साथी भएको बताइन् । ‘उनी कहिल्यै मेरी आमा बन्न आइनन्’ साराले भनिन् ‘उनी केवल मेरा पिताकी पत्नी हुन् ।’ साराले आफू प्रेममा नभएको र अहिलेसम्म प्रेममा विछोडसमेत नभएको बताइन् ।

 www.dcnepal.com

LEAVE A REPLY

Please enter your comment!
Please enter your name here