राम्रो कामका लागि लिखित आदेश पर्खनुपर्दैन : प्रधानसेनापति

0
194

दिक्तेल,९ फाल्गुन- प्रधानसेनापति पूर्णचन्द्र थापाले नेपाली सेनालाई सबल, सुदृढ र सक्षम सङ्गठन बनाउन अनुशासनको परिधिमा रही उच्च मनोबलका साथ काम गर्न सकल दर्जालाई निर्देशन दिएका छन्।

बहादुर श्रीशेरगणको निरीक्षणका क्रममा प्रधानसेनापति थापाले नेपाली सेनालाई सक्षम र प्रभावकारी सङ्गठन बनाउने सन्दर्भमा जारी भएको सात लक्ष्य र १५१ कार्यसहितको मार्गनिर्देशन कार्यान्वयन गर्ने विषयमा दायाँबायाँ नहुने बताए।

‘गल्ती हुन्छ भनेर काम नगर्ने कमाण्डर होइन, सङ्गठनलाई चुनौतीको सामना गर्ने गणपति आवश्यक छ’, उनले भने, ‘सही नियतबाट भएको गल्ती सुधार्न सकिन्छ। राम्रो कामका लागि लिखित आदेश पर्खनुपर्दैन।’ सुरक्षा र विकास एकअर्काका पूरक भएकाले सरकारले अघि सारेको ‘सुखी नेपाली, समृद्ध नेपाल’को अवधारणालाई मूर्तरूप दिन सेनाले सुरक्षाको प्रत्याभूति दिन सक्नुपर्ने उनको भनाइ छ।

राष्ट्र, जनता र सेनाको हितका खातिर गौरव गर्ने ढङ्गबाट जिम्मेवारी सम्हाल्नसमेत उनले निर्देशन दिए।

LEAVE A REPLY

Please enter your comment!
Please enter your name here