अन्जु पन्त फाउण्डेसनको नाम जोडी केही अनलाइन पत्रिकाहरू’ले भ्रामक र चरित्र हत्या गर्ने सामग्री प्रकाशन गरेकोमा दुख ब्यक्त गरीन गायिका पन्त

0
1557

सामाजिक सञ्जाल तथा केही अनलाइन पत्रिकाहरू’ले अन्जु पन्त फाउण्डेसनको नाम जोडी केही भ्रामक र चरित्र हत्या गर्ने किसिमका सामग्री प्रकाशन भएकोमा यतिबेला गायिका अन्जु पन्त’ले सबै समक्ष प्रेस बिज्ञप्ति प्रस्तुत गर्दै सबैमा अन्जु पन्त फाउण्डेसन’ले गरीब दिन दुखिलाई राहत संगै पिडामा परेका व्यक्ति हरुलाई मल्हम लगाउने देखि आर्थीक अवस्था कम्जोर भएर पढ्न नपाएकालाई पढाउने देखि अन्य समाज सेवाका काम गर्दै आईरहेको अवस्थामा पनि सामाजिक सञ्जाल तथा केही अनलाइन पत्रिकाहरू’ले अन्जु पन्त फाउण्डेसनको नाम जोडी केही भ्रामक र चरित्र हत्या गर्ने किसिमका सामग्री प्रकाशन गरेको दुख ब्यक्त गर्दै सबै सामु प्रेस बिज्ञप्ति प्रस्तुत गरेकी हुन्। र सबै मिडियाकर्मीहरुलाई सत्य र तथ्य बुझी निश्पक्ष समाचार सम्प्रेषण गर्न अनुरोध गरेकी छन्।

प्रेस बिज्ञप्तिमा भएका सत्य र तथ्य कुराहरु यस प्रकार छन्।
अन्जु पन्त फाउण्डेसन नेपाल र अमेरिकामा विधिवत् रूपमा दर्ता भई निरन्तर समाज सेवामा लागिरहेको सामाजिक संस्था भएको कुरा सर्वविदितै छ । यो कुनै धार्मिक संस्था नभएर एक विशुद्ध समाजिक संस्था हो ।
केही दिन यता सामाजिक सञ्जाल तथा केही अनलाइन पत्रिकाहरूमा फाउण्डेसनको नाम जोडी केही भ्रामक र चरित्र हत्या गर्ने किसिमका सामग्री प्रकाशन भएको प्रति यस संस्थाको गम्भिर ध्यानाकर्षण भएको छ । यसबाट हाम्रा सम्पूर्ण सहयोगी तथा शुभचिन्तकहरूमा भ्रम पर्न गएको महसुस भएकाले संस्थाका कार्यक्रम र योजनाको विषयमा जानकारी गराउनु उचित ठानेका छौँ ।
यस संस्थाले पर्सा जिल्लाको पटेर्वाका पैँतिस घर निर्माणको परियोजना अन्तर्गत निरन्तर सहयोग जुटाउने र कार्य अघि बढाउँदै आएको र यस परियोजनाका लागि हालसम्मका लागि प्राप्त भएको रकम र दाताहरूको नाम रेकर्ड सुरक्षित राखिएको र प्राप्त भएको रकम संस्थाको बैंक खातामा रहेको समेत जानकारी गराउन चाहन्छौँ ।

उक्त परियोजनाका आवश्यक पर्ने रकम जम्मा भइ नसकेको भएता पनि यस संस्थाको तर्फबाट कानुनी प्रक्रियाहरू अघि बढाइसकेको, इन्जिनियरबाट नक्सा समेत तयार गरिसकिएको र बस्ती निर्माणको कार्य शुरु गर्ने तयारी गर्दा गर्दै कोरोनाको कहरले विश्व नै प्रभावित भई करिब तीन महिनाभन्दा बढी नेपालमा लकडाउनको कारणले बाहिरसमेत निस्कन नसक्ने अवस्था भयो ।
त्यस बेलामा पनि दुखमा परेकाहरूको अवस्था टुलुटुलु हेरेर बस्न सकिएन । आवश्यक ठाउँमा खाना खुवाउने र राहत वितरण गर्ने कार्यमा फाउण्डेसन लागेको थियो । जसको लागि बस्तिका लागि संकलन गरिएको रकमबाट खर्च गरिएन ।हाल लकडाउन खुले पनि कामहरू अघि बढाउने अवस्था अझै भइसकेको छैन ।

यसकारण हामीले चाहेर पनि स्थिती सामान्य नहुन्जेल सम्मका लागि यो परियोजनाका कामहरू रोकिएका छन् । यस संस्थाले निरन्तर आफ्नो तर्फबाट गर्न सक्ने प्रयासहरू गरिरहेको र यो परियोजना भविश्यमा पूरा गरेरै छोड्ने प्रतिबद्धता जाहेर गर्दै कुनै पनि कपोकल्पित तथा भ्रामक कुराहरूको सामाजिक सञ्जाल वा कुनै सञ्चार माध्ययममा प्रचार प्रसार नगरिदिनहुन अनुरोध समेत गर्दछौँ ।

कृपया संस्थाको आधिकारिक वेबसाइट (www.anjupanta.org) बाट जानकारी लिनुहोला । अन्य थप जिज्ञासा भएमा त्यहाँ रहेको नम्बर वा इमेलमा सम्पर्क गर्न सक्नुहुन्छ । आगामी दिनमा पनि यहाँहरूको निरन्तर साथ र सहयोगको अपेक्षा गर्दै सम्पूर्ण दाताहरूमा विश्वस्त रहन आह्वान समेत गर्दछौँ ।
सुरेश वाग्ले , (प्रेसिडेन्ट) , अन्जु पन्त फाउन्डेसन, अमेरिका
अन्जु पन्त, (अध्यक्ष ), अन्जु पन्त फाउन्डेसन, नेपाल

LEAVE A REPLY

Please enter your comment!
Please enter your name here