बुटवलको पक्षधर रहेपनि पार्टी अनुशासन कायम राख्न दाङ्गको पक्षमा : पूर्वाधार विकासमन्त्री चौधरी

0
107

। लुम्बिनी प्रदेशका भौतिक पूर्वाधार विकासमन्त्री वैजनाथ चौधरीले प्रदेशको राजधानीका लागि आफनो बुटवलको पक्षधर रहेपनि पार्टी अनुशासन कायम राख्न दाङ्गको पक्षमा मतदान गरेको बताएका छन् । नेपाल कम्यूनिष्ट पार्टी(नेकपा) अनुशासित पार्टी भएकै कारण जनताले विश्वास गरेको पनि उनले बताए । राष्ट्रिय युवा संघ नेपाल नवलपरासी(बर्दघाट सुस्ता पश्चिम) जिल्ला कमिटीको शनिबार बर्दघाटमा भएको सपथ ग्रहण कार्यक्रमलाई सम्बोधन गर्दै मन्त्री चौधरीले राजधानीका लागि बुटवललाई पनि द’ई तिहाई मत नपुग्ने स्थिति रहेकोले पार्टीले ह्विप लगाएको र मतदानमा पार्टीका कुनै पनि सांसदले ह्विप उल्लघंन नगरेको दाबी गरे ।

नेकपाका केन्द्रिय सदस्य, लुम्बिनी प्रदेश कमिटी सहईन्चार्ज तथा जिल्ला ईन्चार्जसमेत रहन’भएका मन्त्री चौधरीले बुटवल राजधानी हुने अवस्था नभएपछि बुटवल भैरहवालाई वित्तिय राजधानी तथा कपिलवस्तु, रुपन्देही र नवलपरासीलाई सांस्कृतिक पर्यटकीय राजधानी बनाउने प्रस्ताव पनि आफैले गरेको बताए । राष्ट्रिय युवा संघका जिल्ला संयोजक युवराज डुम्रेको अध्यक्षतामा भएको उक्त कार्यक्रममा संघका केन्दी्रय वरिष्ठ सदस्य किरण पौडेलले संघका जिल्ला कमिटीका पदाधिकारी तथा सदस्य एवं स्थानीय तह कमिटिका संयोजक सहसंयोजकहरुलाई सपथ खुवाएका थिए ।

युवा संघको गत फागुनमा एकिकरण भई ७१ सदस्यीय जिल्ला कमिटी घोषणा भएको थियो । जसको संयोजकमा युवराज डुम्रे र सहसंयोजकमा दीपक राना रहेका छन् ।कार्यक्रममा नेकपाका जिल्ला अध्यक्ष भविश्वर तिवारी आजाद, राष्ट्रिय युवा संघका केन्द्रीय वरिष्ठ सदस्य किरण पौडेल, केन्द्रीय सचिवालय सदस्य केयर सिंह कुवँर, केन्द्रिय सदस्य प्रकाश भट्टराई लगाएतले शुभकामना व्यक्त गरेका थिए ।

LEAVE A REPLY

Please enter your comment!
Please enter your name here