संसद् विघटनसँगै प्रदेश सरकारहरू धरापमा,लुम्बिनी प्रदेशमा नेतृत्व बदल्ने प्रयास तीव्र !

0
83

प्रतिनिधिसभा विघटनसँगै प्रदेश सरकारहरू धरापमा परेका छन् । केन्द्रमा नेकपाभित्रको फुटका कारण देशभरका सातै प्रदेश सरकारहरू अल्पमतमा पर्न थालेका छन् ।

लुम्बिनी प्रदेश सरकारसहित सबै प्रदेशका सरकार हेरफेर हुने गरि नेपाल कम्युनिष्ट पार्टी नेकपा प्रचण्ड नेपाल समूहले गृहकार्य गरेको हो ।

नेकपा लुम्बिनी प्रदेश अध्यक्ष ओनसरी घर्तीले लुम्बिनी प्रदेश सरकार हेरफेर हुने बताइन् । उनले नागरिक अनलाइनसंग भनिन्,‘प्रधानमन्त्रीले केही बाँकी नराखेपछि अब लुम्बिनी प्रदेश सरकार पनि हेरफेर हुन्छ र अन्य प्रदेशमा पनि सरकार हेरफेर हुन्छ ।

अहिले लुम्बिनी प्रदेशका इन्चार्ज तथा ओली पक्षका नेता शंकर पोख्रेल मुख्यमन्त्री छन्,उनी ओली समुहका खास मान्छे हुन् ।

पोख्रेल नेतृत्वको सरकार बचाउन वा सरकार ढाल्न कांग्रेस, जसपा र जनमोर्चाका सांसदमध्येको साथ चाहिने छ । तर,अध्यक्ष घर्तीले अब सबै प्रदेशमा सरकार हेरफेर गर्ने बताइन् ।

पार्टी विभाजनले लुम्बिनी प्रदेशका मुख्यमन्त्री शंकर पोखरेल अल्पमतमा छन् । ८७ सदस्यीय प्रदेश सभामा नेकपाका ६१ सांसद छन् । प्रधानमन्त्री ओली अर्थात् मुख्यमन्त्री पोखरेलको पक्षका ३५ र अर्का अध्यक्ष प्रचण्ड र नेपाल पक्षका २६ सांसद छन् भने कांग्रेसका १९,जनता समाजवादी पार्टीका ६ र जनमोर्चाका एक सांसद छन् ।

प्रदेशसभामा तत्कालीन एमालेले ४१ सिट जितेकोमा ओली पक्षका ३१ र नेपाल पक्षका १० सांसद थिए । तत्कालीन माओवादीले २० सिट जितेको थियो । गृहमन्त्री रामबहादुर थापा बादलनिकटका दुई सांसद पनि प्रचण्ड-नेपाल पक्षमा लागेका छन् ।

LEAVE A REPLY

Please enter your comment!
Please enter your name here