नेपाली फिल्म “झमक बहादुर’को ट्रेलर सार्वजनिक ।

बैशाख २६ काठमाण्डौ । नेपाली फिल्ममा बलिउडको प्रभाव ठुलै छ । नेपाली फिल्म मेकरहरुले हिन्दी फिल्म हरुको कथा चोरेको आरोप खेपिरहेका हुन्छन् । पछिल्लो केही वर्ष यता यस्तो आरोपमा कमी आएको थियो । तर केही समय अघि प्रदर्शन भएको ‘कोहलपुर एक्सप्रेस’ले बलिउड फिल्म ‘मुम्बई एक्सप्रेस’को कपि गरेको आरोप लागेको थियो । फिल्म हलमा प्रदर्शन भएरहेको छ । कोहलपुर एक्सप्रेस र मुम्बई एक्सप्रेसमा फिल्मका पात्र बाहेक केही भिन्नता देखिएको छैन । तर यति बेला मुम्बई एक्सप्रेसकै कपि गरेर अर्को फिल्म ट्रेलर सार्वजनिक भएको छ । झमकबहादुर नाम गरेको फिल्मको ट्रेलर सोमबार राजधानीमा कार्यक्रम आयोजना गरेर सार्वजनिक गरिएको थियो । फिल्मको ट्रेलर हेर्दा लाग्छ यो मुम्बई एक्सप्रेसको अनुवादित नेपाली फिल्म हो । फिल्ममा अनुपविक्रम शाही, यादव देवकोटा, राजु कमेडी, सुजाता थापा, राजन महर्जन लगायतका कलाकारको अभिनय रहेको छ । भोमान कटुवालले निर्देशन गरेको फिल्मलाई मीन कुमार तामांगले निर्माण गरेका छन् । फिल्म साउन १८ गतेबाट प्रदर्शनमा आउने तयारीमा रहेको छ ।